AEGIS 萬歲

呢幾日成班同事都密切留意美國計劃利用神盾級戰艦擊落衛星既新聞﹐自己有份參與既製成品出動﹐當然會特別關心。琴晚報導話終於成功將衛星擊毀﹐今日係office週圍都聽到有人談論呢件事。神盾艦一擊成功﹐大家都似乎好有滿足感﹐就連蔥頭呢個二打六都有少少覺得與有榮焉。

大陸同俄羅斯都好不滿今次美國射毀衛星既行動﹐又話呢樣又話o個樣﹐但係中俄兩國最唔gur既應該都係無得乘機偷取衛星當中既機密資料o者。薯仔今次咁大陣仗要出動到Aegis-class戰艦﹐最重要都係想保住D機密data唔想外洩﹐二來當然係想乘機測試一下神盾既威力啦。至於甚麼有毒氣體﹐為全球人民安全云云﹐睇怕都係藉口黎o者。