AI 退役

Iverson to Retire

一代巨星﹐當年既MVP﹐而家淪落到被球隊解約成為過街老鼠﹐無人敢要﹐搞到退休﹐真係令人感嘆

佢究竟係咪唔明白籃球係team sport﹖自大如Kobe﹐而家都明白teamwork既重要性﹐懂得配合﹑造就隊友﹐AI為何仍如此執迷不悟﹖當年Larry Brown 係費城踢走所有球星﹐收羅一大堆工兵﹐實行群卒拱照Iverson﹐比佢一人獨大﹐究竟係造就左佢定係害左佢呢﹖

資深演員陳鴻烈猝逝

一周捱逾69小時 月入6萬 陳鴻烈工作過勞奪命

今日一上網就睇到陳鴻烈病逝既消息﹐初時以為係網民惡作劇﹐上yahoo先知原來係堅料

陳鴻烈演戲多年自然有一定既演技﹐不過與同輩&同級數既老戲骨相比其實又唔係真係太突出。最記得當年第一套睇佢既戲就係呂頌賢果套笑傲江湖﹐佢做左冷禪﹐又真係做得幾奸既。隔左好多年之後既金枝慾孽﹐佢做忠直古板既太醫﹐一改以往專做奸角既戲路﹐呢個角色令我開始覺得烈爺其實真係有演技。

佢都好大年紀﹐仲要捱得咁辛苦﹐可能係因為佢對仔女仲細啦。

亨利老馬上身﹐上帝之手搞掂愛爾蘭

世界盃外圍賽已經結束﹐歐洲區8隊小組次名國家分成四對進行主客制附加賽﹐其中法國被抽中與愛爾蘭雙雄對決。

早前第一場愛爾蘭於主場1-0敗陣﹐星期三在巴黎的第二輪附加賽﹐愛爾蘭由羅比堅尼先拔頭籌﹐領先1-0﹐將總比數扳回1-1﹐結果需要加時﹐到104分鐘﹐法國隊長亨利用手控球﹐再傳予後衛加拿斯射入﹐愛爾蘭球員抗議不果﹐最後法國以總比數2-1粉碎愛爾蘭世界盃之夢。

其實愛爾蘭在外圍賽表現不俗﹐對同組意大利兩次不敗﹐奪得小組次名位置。本來對入圍信心十足﹐偏偏附加賽就抽中法國這支下下籤﹐最後更因明顯手球而飲恨﹐實在可惜。

亨利手球片段

NBA Rookie Scored 55

Milwaukee Bucks 新人Brandon Jennings 轟入55分﹐助球隊129-125險勝Golden State Warriors

ESPN: Jennings drops career-high 55 on slumping Warriors as Bucks hold on



新人第一季就入超過50分﹐NBA史上只有張伯倫﹑Earl Monroe﹑Elgin Baylor﹑Rick Barry呢幾位名人堂人物做到﹐Jennings都可算搶盡風頭﹐而且佢亦成為NBA史上第二最年輕就入到超過50分既球員﹐第一就係LeBron

升呢講潮語

上星期團契陳Sir講潮語﹐岩岩上yahoo睇到呢篇又講

明報﹕可否別再升呢

其實潮語本身並非壞事﹐平時對話用黎笑下﹐都係得啖笑﹐無傷大雅﹐但弊在傳媒濫用﹐報章甚至在頭條亦照用如儀(尤其是生果報)﹐耳濡目染之下﹐亦難怪會有學生用潮語作文的怪事發生。