貨幣戰爭作者宋鴻兵對美國QE看法

宋鴻兵﹕美國量化寬鬆等同搶劫

篇野無咩驚人妙論﹐不過真係講得幾岩。而家渣住美金真係枕住黎蝕﹐唔搵下D方法投資外國資產真係只會不斷比人陰D陰D咁掠奪個人財富。

New Jersey 牧師禁止教會職員玩facebook以防通姦

NJ Pastor Calls Facebook A Marriage Killer

慘啦﹐我facebook有個一個friend都無既account﹐係咪即係話我同緊自己通姦呢。

時代論壇又有關於宗教右派既爭論

關啟文 張冠李戴──香港道德保育團體＝美國宗教右派？

黃國棟 回應關啟文博士〈張冠李戴──香港道德保育團體＝美國宗教右派？〉一文

張國棟﹕齊來上一堂哲學課──如何理性地討論「Ｆ是Ｇ」

張國棟﹕談明光社陣營時，理念和手法不宜過份分割

video: 噢，原來你們不是香港宗教右派……

其實都應該慶幸同感恩有一個咁既平台比多方既觀點討論(雖然明光社陣營理性討論既誠意真係唔多夠)﹐始終網上可以容納到多方觀點又公開既宗教論壇真係唔多。

國家機構擁有皇室特權

高院裁定廣州打撈局可免起訴　國家機構享皇室特權

國家機構一向都係大哂﹐有如皇帝一樣﹐呢個係人所共知既事實﹐憎凸手﹑唐狗果班友見到中央D芝麻官都要卑躬屈膝﹐差唔多好似要拜見欽差大臣咁款啦﹐而且阿爺要點就點﹐特區正苦係永無say no既﹐種種跡象睇黎﹐中央仲唔係皇帝化身﹖

不過雖然係好明顯﹐都唔可以講到咁白架﹐中共一直都係掛羊頭賣狗肉﹐都要做個樣出黎話比人聽「我地係民主國家」架嘛(與「此地無銀三百兩」異曲同工﹐說服力極強)﹐而家呢單案一野就篤穿哂喇。呢個鄭若驊大律師竟敢引用君主豁免權黎辯護﹐枉佢熟讀國法﹐竟敢知法犯法﹐洩漏國家機密﹐應該拉佢去打靶啦。

菲律賓又做埋D低能野

菲律賓突徵外勞保險　兩年$1123 明劏菲傭僱主

D菲傭自己都知大鑊啦﹐好多都反對﹐因為咁樣真係同打爛班菲傭既飯碗無分別。要D僱主比多D錢既話﹐不如請印傭好過。菲律賓每年輸出大批外勞做傭人﹐不知運返幾多外匯返去﹐而家就係為左縮減社會福利開支就搞埋呢D花臣﹐真係搵自己笨。

陶傑都黎抽美國水

總統和豬公
2010年11月04日

奧巴馬神話破滅，因為一句口號 Change，喊得太過累事。
奧小黑也不是不知道。競選時，他說他有能力 Change，改變美國；當選之後，馬上偷換概念，改口號： Change，要全國每一個人努力，一起來。
就像閣下在戲院門外，看見「阿凡達」的 3D電影海報，上面有飛天怪獸、有森林幽谷、俊男美女，我掏腰包買票，進了場。哪知道在戲院裏，導演站在台上，一攤手，告訴你：片子還沒開拍，來來來，你也上鏡，我們一起拍這齣戲。
美國人發現上了當， Change，他們不幹了。因為長期的物慾驕縱，美國的男女肥癡，平均二百六十磅，在洛杉磯機場、三藩市漁人碼頭，遍地肥癡，是被統治的消費者，一家四口，平時窩在領綜援的花園房子裏，一人一盆爆穀，綻堆到眼皮那麼高，攤在沙發看電視，到 Walmart去推車購物，牛排、薯片、鮮奶，堆得像一座洛磯山。
二十年的銀行次按，養縱成靡爛的物質生活。要改變，全民要減肥至少一百磅。
但是，美國人身上的脂膏，卻是 Made in China，由中國河南民工身上挖出來。廉價的貨橫越太平洋，中國的出口，緊扣着美國的債券和人民幣滙率。奧巴馬改變得這樣，卻動不了那樣。
因為美國人要減少消費，增加儲蓄；中國人剛相反，要增加消費，減少儲蓄──但是中國人做不到：進醫院開刀要先收現金。送孩子到上海上大學要交昂貴的學費，儒家文化教人積穀防饑，百分之零點四的特權人口控制了七成的國家財富。美國的低層民眾拚命消費，中國的低層人口卻不敢花錢，中美兩國，像一對交配中的公母豬，肥腫難當，農場裏的木櫈子上緊緊鎖死，公豬進也不是，母豬想鬆弛，放牠出來也難，一對愚頑的生靈，動彈不得，發出震耳欲聾的嗥叫聲。
美國說自己的失業率，世界的經濟困局，由便宜的中國貨造成，就像西門慶，掏空了身子，臉青唇白，反過來駡是淫蕩的潘金蓮害了他。
奧巴馬夾在當中，他當初以為能治理好這個荒淫的世界，但越指手劃腳，木櫈架子上的那頭豬公叫得越響，母豬也急起來，狂咬不休。怎麼辦呢？可憐的小黑子，這種派對不是他搞起來的，而且他也不肥癡，腰圍標準，他很瘦，但世事，從豬的交配，到西門慶的暴發靡爛和潘金蓮的淫姣，滑稽荒誕得令人發怒，從來是不公平的。

（陶傑）

****************************************
美國說自己的失業率，世界的經濟困局，由便宜的中國貨造成，就像西門慶，掏空了身子，臉青唇白，反過來駡是淫蕩的潘金蓮害了他。

呢句真係精句﹐睇到我爭D拍哂檯。

神父話李+X係魔鬼

繼陳雲道長之後﹐又有人因為鬧地產商而成為打壓對象。今次矛頭指向天主教神父羅國輝﹐佢早幾日接受訪問﹐暗諷李嘉誠等賣發水樓地產商等同魔鬼。雖然係激左D﹐但係又不無道理播。當然﹐淨係針對誠哥一個又真係唔係太公平既﹐四叔﹑彤叔﹑生蟲雞集團果D咪一樣衰﹐但係誠哥壓榨民脂民膏﹐斂埋咁多錢財﹐比人鬧比人咒都抵啦下話。而家又搞到話要告人誹謗﹐真係小題大做﹐越告咪越笑死人﹐搞到好似白粉報咁就無謂啦﹐誠哥應該回應﹕「人地對我既觀感﹐於我如浮雲」﹐幾咁大方。

全民罷吃大家樂

大膠鑊最近實施午飯時間無人工既措施﹐原本加人工都變相減薪。呢間野年年賺大錢﹐人工低又出哂名﹐可見壓榨員工既情況都好嚴重﹐而家仲要繼續榨﹐放飯時間唔比人工﹐實行縮得就縮。唔少議員/政客都批評大家樂無良(當中肯定有人係乘機政治抽水架喇)﹐而香港有人見呢間野無良成咁﹐就話要發起杯葛大家樂行動。

講真﹐大膠鑊除左D奶茶唔錯之外﹐都無咩好食架啦﹐又唔係平過人﹐唔幫襯真係無咩大不了﹐費事益呢D無良僱主啦。
當然﹐呢個都只係我既睇法﹐有D忠實擁躉原來無大膠鑊係唔得架。


不過﹐就算要杯葛﹐都要清楚下大膠鑊集團旗下有咩食肆先得﹐否則幫襯左都唔知啦。

有個高登友勁到做埋資料搜集(應該都係維基啦)
http://forum7.hkgolden.com/view.aspx?type=BW&message=2673509

唔講唔知﹐spaghetti house原來都係大膠鑊架。