祖雲達斯分屍記/施丹頂人個肺事件II

落得乙組就預左班星會散水﹐而家皇馬已經搶左大簡同艾馬臣﹐巴塞就笠左森保達同杜林﹐睇下幾時輪到伊巴謙莫域﹑韋拉﹑TrezeGol同甘莫爛泥士走人﹖

保方就似乎有意留隊﹐真係有情有義﹐但係世界第一鋼門踢意乙真係明珠暗投囉﹐雖然佢經理人就話佢未試過踢意乙﹐想試下贏意乙冠軍wo﹐真係笑死我 XDDD 不過如果真係比保方贏埋意乙冠軍﹐都可能會係一個紀錄... UEFA CUP + 意甲冠軍 + 世界盃冠軍 + 意乙冠軍﹐我諗都無邊個試過咁既combo =.="

捷克既民族英雄尼維特... 剛剛失意於世盃﹐原本話考慮掛靴﹐而家又話可能會留低幫祖記升班wo... 不過又有傳聞話熱刺想買佢...

迪比亞路呢個祖記icon﹐梗係會留低﹐況且就算佢想走﹐都無邊隊會肯出高價買佢啦...

其實就算去左一大班球星﹐祖記係意乙都應該會幾屈機﹐迪比亞路+保積洛夫+(尼維特﹖)+馬基安尼+基爾連尼﹐真係幾鬼勁﹐可惜今季要-30分開季﹐升班難度都好高... 除非一季全勝啦

*****************************************************************************

施丹失落世盃﹐都已經算係個好大既懲罰﹐而家FIFA就判「停賽」3場同罰款(但係都掛左靴﹐停賽刑罰其實係無意義﹐至於罰款嘛﹐幾千euro對於球王黎講有如碎銀)。始作俑者「殺人王」馬特拉斯就停賽2場﹐不過換到個世盃冠軍返黎﹐兩場算得係咩XDD