施丹 T.T /意大利 =)

估唔到施丹輝煌既球員生涯竟然要如此告終﹐究竟「殺人王」馬達拉斯講過D咩搞到施丹興到要施展鐵頭功頂佢既肺部呢﹖總之真係為呢位一代球王感到可惜同痛心﹐點解唔可以忍下一時之氣呢﹖話晒都係最後一場波丫 > <

不過話說回來﹐意大利捧盃又真係令我好鬼開心。雖然整個tournament意大利都唔可以話好dominating﹐但係真係勝在夠穩定﹐防守真係固若金湯(尤其是保方同隊長大簡^ ^)﹔如果唔計對美國o個場既own goal﹐今日球十二碼先至係意大利失既第一球﹗

意大利呢班球員開心完﹐可能又要擔心自己下季既去向﹐因為大部份既國家隊成員都來自同意甲聯賽造馬醜聞有關既球會﹐如果呢D球會真係被罰降班﹐呢D球員就搵定新老闆都得喇...

雖然第一愛隊荷蘭被提子隊「陰」到黯然出局﹐但而家意大利贏到﹐總算有D安慰啦。

期待08年歐洲國家盃﹐希望荷蘭班後生仔可以生性D啦。Robben﹑Van Persie﹑Kuyt & Van der Vaart﹐等緊你地兩年後發圍喇~

而家都係時候收拾心情﹐努力D專心D工作喇~ 到聯賽開季先再搏殺過 =P