地產霸權攻陷報章

時事評論員陳雲係信報寫專欄多年﹐最近就因為一篇諷刺地產商既文章﹐被信報總編輯通知以後唔洗交稿。有消息話係某地產商威脅抽走所有地產廣告逼使信報就範﹐將陳雲封殺。

香港大部份傳媒都自我審查已經係人所共知﹐但係信報一向係政經界都幾有地位﹐立場算係中肯﹐深受知識分子歡迎﹐點知都淪落成為地產財閥霸權底下既奴隸。

陳道長一向以文筆尖銳辛辣﹐評論一針見血見稱﹐頗受讀者歡迎﹐今次被信報封殺﹐引起唔少讀者不滿﹐網上甚至出現抵制信報既言論。

肇事文章﹕陳雲: 港財閥請「地獄式捐獻」

陳雲被封殺後係明報回應﹕陳雲﹕評論之終局
估唔到竟然係明報比佢寫。