August 21 - Spumoni Day

Spumoni呢種意大利甜品﹐係美國食過意大利野既人都應該聽過﹐其實就係將朱古力味﹑開心果味gelato混埋櫻桃粒同果仁粒整成球狀或者方塊狀既甜品。呢種甜品起源於意大利既拿坡里(Naples/Napoli)﹐到19世紀末不少意大利人移居美國﹐將這種甜品帶來﹐並將其改造成不同既變奏﹐其中就有到而家都仲非常流行既三色雪糕(Neapolitan﹐即係我地成日見到既朱古力/士多啤梨/雲呢拿)。其實睇返Neapolitan既字根﹐都可以推斷到係同拿坡里有關係。

到今時今日﹐Spumoni係意大利本土已經幾乎絕跡﹐但係有意大利人聚居既美洲地區就仍然好流行﹐尤其是美國。而美國就將8月21日定為National Spumoni Day。

打打下都想去買返桶Edy's Spumoni雪糕食下。唔知有無Spumoni ice cream cake呢﹖用黎做birthday cake都幾過癮。