救市方案無料到

記得之前曾經有人講過委任Geithner做財長係奧巴馬最大既錯誤﹐唔知今次會唔會係應左呢句話呢﹖

人人都明白救市並非一朝一夕可以做到﹐不過個方案根本就無D大膽創新既建議﹐而且擺明係浪費資源﹐亦唔見得會有用。

好似其中一項﹐話吸引私人基金注資購入有毒資產﹐根本就不可行。如果咁容易搵到人買起呢D資產﹐D銀行就唔會搞到瀕臨破產啦。之前Bank of America買起Merrill Lynch就係例證﹐初初買起人地好似好威﹐結果比Merrill Lynch本身既有毒資產拖到週轉不靈﹐咪又係要問政府乞錢。

其實﹐反正都係繼續注資入銀行﹐倒不如將銀行國有化﹐到業績上返軌道先分拆出去﹐或者可以置諸死地而後生。而家吊住條命又解決唔到問題﹐根本就唔係辦法。美國呢個世界經濟大龍頭既夢已經完結﹐面對現實先係正路。