經濟新聞

美國聯儲局宣佈減息0.75%﹐總算幫股市止瀉﹐不過都係年幾以來既新低。止瀉都係暫時﹐減息仲可以減幾多﹖而家都已經得返3.5%。唔通想好似以前日本咁減到0息﹖

香港同大陸更慘﹐恆指跌左2000幾點﹐搞到我都想check下究竟TVB係咪重播緊大時代定係某部秋官劇集。最慘係香港跟住美國減息﹐但係物價依然上昇﹐因為港幣同美元既聯繫匯率﹐人民幣同時間又不斷升值﹐搞到百物騰貴。減息好可能仲會令樓價持續上揚﹐真係越黎越畸形。香港而家就應該將港幣同美元脫勾﹐靠向人民幣啦﹐仲等咩﹖

至於大陸﹐之前經濟起飛﹐雞犬升天﹐所以D股民一路都瘋狂買股﹐買到好似賭身家咁﹐又按樓又賣屋﹐而家真係搞到傾家蕩產﹐都唔知要幾多人跳樓﹐唉。學大時代個羅樂林話齋﹐股市取勝唯一方法﹐真係「及早離去」四字而已。

歐洲股市反彈﹐都算係好消息﹐我都未至於全軍盡墨。