茄B公幹

琴日茄B出發去Toronto既conference﹐自己搭火車去機場﹐我都有D擔心﹐所以都叫佢預早D去同埋check清楚火車既時間表﹐點知琴日係公司收到茄B電話﹐話等左好耐都無火車﹐於是我就即刻上網幫佢check下個時間表啦﹐佢果然係擺左烏龍(我都諗會唔會係有D烏龍野﹐我先上網再check下)﹐睇左相反方向火車既時間表﹐所以咪搞到要搭下一班車囉。其實我應該幫佢check左先﹐出發前太多野搞佢都可能有少少亂喇﹐係我疏忽左既~

不過都總算趕到往機場既火車﹐過機場既食蕉又無花太多時間﹐所以最後都可以準時上機(都真係早過登機時間20分鐘到咋)。

傍晚再收到電話﹐茄B總算平安抵達酒店﹐暫時都可以鬆一口氣﹐感謝主~