死馬當活馬醫﹕James Cameron 被視為漏油救星﹖

生果﹕美求助占士金馬倫堵漏油

BP漏油事件至今仍未解決﹐油污依然不斷擴散﹐美國政府同BP都無哂符﹐急病亂投醫﹐連荷里活大導James Cameron都請埋黎﹐話要運用下金大導既物理知識﹑深海探測同特技既經驗喎。

好在佢地係請James Cameron﹐如果請著阿Michael Bay﹐可能會索性整多幾噸炸藥﹐到時仲唔爆多你幾錢重咩。

講開呢單漏油事件﹐我有時都感嘆究竟係咪美國做得陰騭野太多﹐而遭受神既警告甚至懲罰。美國一直以世界警察自居卻不去伸張正義﹐只係為貪婪私利而四處侵略﹐呢種行為尤其係過往十幾年越加明顯﹐甚至胡亂標籤侵略目標為恐怖分子﹐咁就可以出師有名﹐名正言順。作為一個以霸權為目標既大國或者算是無可厚非﹐但最無恥既係竟然假借上帝之名去做出呢D惡行﹐我深信神係唔會縱容。

年前四川地震﹐美國亦傳出所謂既天譴論﹐今次漏油事件令我想起呢類言論﹐因而有感而發。不過我都唔應該咁諗﹐否則咪變左臭蟲論者。人地咁講姐﹐唔代表我都可以。講真﹐發生呢D事仲有呢種想法﹐其實都幾X街。