白鴿黨轉軚撐政改﹐林公公抽泛民水

一開始都覺得白鴿黨可能係太天真先至去與虎謀皮啦﹐而家佢地好明顯都係一丘之貉﹐轉軚無非都係為仕途著想﹐今次可以話賺翻了。流失選民又有咩所謂﹐起碼鞏固左果班所謂理性(實質政治冷感)既選民既支持。而且加盟建制派﹐跟住阿爺﹐大把鐵票啦﹐洗鬼擔心無票咩﹐呢D咪叫大樹好遮陰囉。

林公公都乘機抽水﹐話公民黨唔識得好似白鴿黨「良禽擇木而棲」﹐搞到一敗塗地。呢句「良禽擇木而棲」真係可圈可點﹐形容得極度貼切。白鴿黨呢批良禽靠住阿爺呢棵大樹﹐呢個image幾傳神呀﹐簡直一絕。

不過林公公果副嘴臉真係好乞人憎﹐政府今次贏哂就係度抽水﹐擺明係要出返之前被泛民辱罵既氣﹐仲話係基督徒喎﹐搞到鄭家富都睇唔過眼﹐叫佢謙卑D﹐林公公呢D咪就係壞見證囉﹐就係佢呢挺所謂基督徒咪搞到香港年青人對基督教咁反感。