大陸人又再次展現其化工天才

大陸D黑心食品真係層出不窮﹐冬蟲草同燕窩可以係假既﹐雞蛋可以加蘇丹紅﹐魚又可以有孔雀石綠﹐甚至高超到用頭髮黎提煉有毒豉油﹐而最矚目莫過於年前既毒奶粉食到嬰孩變大頭B同埋生腎石﹐網民當然對呢D大陸奸商口誅筆伐﹐稱他們為「煉金術士」﹐話佢地既產品可作生化武器﹐又創出「腎者之石」(出自日本動畫「鋼之煉金術師」裡面既賢者之石)等揶揄之語。呢D事件記憶猶新﹐點知最近又爆出坑渠油呢單野﹐已經爆左咁多鑊﹐都仲有新招﹐做呢D為禍人間既野就咁有創意﹐不如將D創意用黎搞發明﹐可能贏到諾貝爾獎都唔定。