Triangle 大結局

結局唔算差﹐不過唔夠震撼。心水清既話應該上集就已經估到真兇(當然都希望唔係佢)﹐所以震撼性大減。不過尾二果集透露真兇既線索都差唔多架喇﹐最後先比hints可能反而會太突兀。

整體黎講佈局都幾好﹐起碼唔會爛尾(呢樣野係我之前最驚﹐幸好都無發生)﹐算係合情合理。只係殺人原因稍嫌簡單﹐之前仲以為係有複雜既陰謀﹐其實係無既﹐呢方面令我有少少失望。

江口洋介既演出幾好﹐最初D表情真係好惹人懷疑。仲有黑木老豆都係﹐個樣真係好似隱瞞住好多野咁。飾演老差骨丸山既搞笑綠葉王小日向文世都做得唔錯。

另外真係要讚下D配樂﹐有幾首真係好正。