私人垃圾堆填區

前排老豆趁放假就幫屋企下層大修﹐又鋪地板﹐又買櫃﹐我係weekend得閒就幫手砌下櫃同organize D雜物。而家下層搞掂﹐我就順便執執自己間房﹐因為返左黎差不多兩年(一年零九個月喇)﹐間房D雜物堆到好似垃圾堆填區﹐我係完全無執拾過。有好多雜物其實都係我家姐既﹐之前我雙親搬哂入去我間房個closet度﹐我返黎之後自己又無執過﹐搞到返左黎咁耐我D衫都係掛哂係個架﹐唔夠位呢﹐就堆係張凳上面﹐真係幾恐怖。而家終於的起心肝﹐執哂D雜物﹐又打電話問過家姐邊D雜物可以dump﹐就dump左果D﹐於是總算清左個closet﹔今日完左崇拜又趕左去箭靶買左個新衣櫥返黎嵌埋﹐唉﹐終於可以organized返D喇。

而家係爭幾箱自己既書﹐應該都唔會丟住﹐所以都係堆入去closet入面先啦﹐橫掂而家大把位 =P 不過都總算唔洗再對住個垃圾堆填區訓覺lu