同baby arabelle拍...........................照﹗

BB大個左好多﹐表情多多﹐又鍾意周圍撩人玩﹐成日咿咿呀呀想講野咁﹐食奶又鍾意四圍望﹐一聽到有人講野呢﹐就唔啜奶要去八下究竟邊個講野。一無人理佢呢﹐就大聲喊﹐仲係極度悽慘果隻﹐仲要擺出一副非常可憐既表情﹐但係呢﹐一有人行埋去tum下佢呢﹐就唔喊架喇﹐仲要整返個可愛樣黎想人同佢玩﹐真係好鬼古惑﹐似足佢媽咪。夜晚我係BB房訓啦﹐BB成日擰個頭向住我張床係度咿咿呀呀想我同佢玩﹐但係後尾我太眼訓所以都無理佢喇。

影左勁多相﹐因為我阿姨同姑姐佢地都好想睇下BB而家個樣~ 話晒都係新一代既第一個BB嘛﹐D老人家剛剛升級梗係寧舍興奮。